قهوة بنات

لا اله الا الله محمد رسول الله
 
الرئيسيةالتسجيلدخول

شاطر | 
 

 من روائع مهندس الكلمة الامير بدر بن عبدالمحسن

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عروبة عتيبه
فِنْجَان جَدِيْد
فِنْجَان جَدِيْد
avatar

انثى عدد المساهمات : 1
نقاط : 3
تاريخ التسجيل : 28/11/2010
علم الدوله : السعودية

مُساهمةموضوع: من روائع مهندس الكلمة الامير بدر بن عبدالمحسن   الأحد نوفمبر 28, 2010 7:27 am

الفتاة الغايبة

و سـلامـي .. لمن سـأل عـنـي ..
أنـا من أشعـل .. عـيـون الفـتـاة الغـايبـه.. شـمـس بـكـلامي..
ليـن تـركـوني النـاس .. و راحـوا لضـي عـيـونهـا ..
و رجـعـت نفـسـي طـايبـه.. أجـرّ ظـلـّي ..
و كـان لي .. ظـل ثـقيـل .. تعـلق .. بعـود نحيـل ..
و القـلـب رجـل عـايبـه .. ترقـا جـبـل ..
ردوا ســلامـي .. لمـن سـأل ..

يحـينـي الـكـلام .. قـولي .. قـولـي أعـرفـك ..
انت من يحـمل جـذوع الـشـجـر للـماء.. ولنـور القمـر ظـلمـا..
أنت اللـي مـردت الـقــوافـل .. تطـلب التـرحـال ..
و زيّـنـت الـشـمـال.. نجـمـه .. وعـلـّمـت الغــلام .. اســمـه ..
ليـن انتـهـض .. رجـال .. يحـيني الـكـلام .. قـولـي ..
في بعـض الـكـذب .. رحـمــه..

الوقـت يمضـي .. صـديـقتـي.. والنـاس تمـضـي ..
وهـالحـراس باقيـن .. على ورق هـالـتيـن ..
والكـوكـب الفضـي .. والبـوح بالأحـسـاس ..
تتـغـيـر الألـوان .. الا الـسـواد .. متى الـسـواد يمـضـي ..
تـوي رفـعـت الأرض .. سـجـده .. وســبّحـت لـه.. وحـده ..
و صـار الـرمـاد .. ومـضـي .. و كـل الـذنـوب .. غـبـار ..
و دمـوعـــي الأمـطــار ..

صـديقـتـي .. يحـينـي الـكـلام .. قـولي .. لمـن سـأل ..
أنا من اشـعـل عيون الفـتـاة الغـايبـه .. تيـه وخجـل ..
ليـن تركـونـي الناس .. و رجـعـت نفــسـي .. تايبـه ..
مـن كـل.. مـا في النـاس .. و كـل مـا فـينـي .. الا .. الكـلام ..
أنا..الكـلام يحـيني .. يحـيني الكـلام .. قـولي ..
لاجـل الفتاة الغايبـه .. من هالعــتيـم .. تعـود ..
وردي سـلامـي لمن سـأل .. ان كـنت أنا مـوجـود.. مـوجـود..
و الحـلـم .. رجـل عـايبـه .. ترقـا جـبـل ..
و سـلامـي للـفتـاة الغايبـه ..

=======================================

لو تغيبي

لو تغيبـي ولو رحـل وجهك حبيبـي

في غيابـي عنك أشوفك .. وفي عذابـي منك أشوفك

صـدقينـي مـا نـقـص هالليـل بعدك إلا قمـرا

وما فـقـدت من النهـار إلا شعاع الشمس بكـرا

واجمل الناس حبيبـي ..

لو تغيبـي لو رحـل وجهك حبيبـي

تصغر الدنيا وتضيـق

كلّ مافي الدنيا أعرفه إلا بيتـي والطريق

أنا أحبك ذا نصيبـي .. إبعدي عني وغيبـي

صـدقينـي مـانـقـص هالليـل بعدك إلا قمـرا

ومافـقـدت من النهـار إلا شعاع الشمس بكـرا

لك ليـالي ما سألتـي .. ولي ليـالي ما سـألت

ولو دريت إنك زعلتـي .. كان أفرح مـازعـلت

بس داري مافي قلبـك إلا قلبـك

واختياري إني أحبـك والا أحبـك

ومن عذاب الحب يكفـي لو تجرّح قلب واحد

وإنتي يا حبـي وضعفـي لا يهمك كله واحد

لجل تتغير فصول .. ويبكي الغيـم في عيونـي

وتزهر جبال وسهول .. اضحكي بيـّا وبدونـي

وصدقينـي مـا نـقـص هالليـل بعدك إلا قمـرا

ومافـقـدت من النهـار إلا شعاع الشمس بكـرا


=======================================

كفاك غرور

صحيح ان السحاب انتي ..
واعشاب الربيع انتي ..
وأجمل من على هذا التراب .. انتي
وفـ عز الليل لو بنتي يطير الصبح ..
من كف الربى عصفور ..
ولكن الليالي تدور ..
كفاك .. غرور
سقاني صوتك البارح .. مرار الحزن والترحال
صحيح ان البحر مالح .. ولكن العطش قتال
سألتك يا ظماي .. أمطار
سألتك عن هواي .. أخبار
سألتك كلمتين أعذار .. ولكن ما تعذرتي ..
وحقك لو تكبرتي ..
صحيح ان السحاب انتي ..
واعشاب الربيع انتي ..
وأجمل من على هذا التراب انتي ..
انا جرح .. وحنين وهمس
وقلبٍ ينبض بصدري ..
ولا ادري من حبيبي .. الشمس
ولا ودي بعد ادري ..
يكفيني دفى انسان ..
يشاركني فرح واحزان ..
ونورك فـ السما لو بان .. أشوفه مثل كل الناس
وأحسه .. مثل كل الناس
وصحيح ان السحاب انتي ..
واعشاب الربيع انتي ..
وأجمل من على هذا التراب انتي ..
وفـ عز الليل لو بنتي .. يطير الصبح ..
من كف الربى عصفور ..
ولكن الليالي تدور كفاك .. غرور


=======================================

الرســــــــايل

وليله كانت الفرقا
و قالت لي .. فـ أمــان الله
و ليله ذكرها يبقى
على جرحي .. و لا انساه
و جت تاخذ رسايلها ..
و خصله من جدايلها
و تديني جوباتي
بقايا عمر بسماتي
و قالت لي .. فـ أمــان الله

في ليله كنها الليله عرفتك بسمتي و فجري
و ليله زي ذي الليله و هبتك في الأمل عمري
و يا ليت البسمه ما كانت ولا الاحساس
وياليت الدنيا خانتني و كل الناس
و لا خنتي هواي انتي
و لا قلتي .. فـ أمـان الله

لا تردين الرسايل ويش اسوي بالورق
و كل معنا للمحبه ذاب فيها و احترق
لو تركتيني في ليله بسمتك عند الرحيل
دمعة العين الكحيله عذرها الواهي دليل
و ليله كانت الفرقا
و قالت لي فـ امان الله


=======================================

جرحي بخير

ومرت سنه .. على فراقك
على صوتك .. واشواقك
غريب كيف االزمن يرحل
واحلام العمر .. تذبل ..
سنه مرت .. وانا أول ..
حبيبٍ يوقد الشمعه
لجرحه في يوم ميلاده
هلا .. بالحب .. واعياده
وكل عامٍ .. وجرحي بخير

مشيت دروبنا .. خطاوي قلوبنا
ومريت الوعد .. وعدنا العام
ماكان الوعد .. ولا الأيام .. هي الايام
وما ادري ليه هالشارع .. نسوه الناس
ومتى هالمقعد الخالي .. يجوه الناس
حبيبي .. ليه فـ غيابك .. يغيبوا الناس
حبيبي .. ايه والله حبيبي .. ايه والله
نساني العمر.. لو انساه
نساني الفرح .. لو انساه
احبه .. ما ظهر نجم .. ونبت عشب .. وسرى براق
أحبه .. لا زمن يشقي جروحي .. لا جفا .. وفراق
أنا هذا الهوى كله .. وقلبي آخر العشاق ..

=======================================

تجاعيد الجبل قصيدة


إن طحت بوصيك
لا تمدلي يد ... ولا تنتظرني ...
رح ...
( السفح مثل الردى راحه )
عالي الجبل ... مدري الزمن ...
والا العمر ...
والشمس .. يا رمضا وجمر ...

وعلى تجاعيد الجبل .. تشقق ...
إجباه ٍ سمر ...
ويطيح ... لا بد ... أجدٍ يطيح لا بد ...
( والسفح مثل الردى راحه )
وان طحت انا بوصيك ...
لا تمد لي يد ...
ولا تنتظرني ... رح
نرقى بشوق أحلامنا ...
نرقى وعر أيامنا ...
نرقى بأمل ... أحد ... وصل ...
اللي نقول بزعمنا ... انه وصل ...
وبخوف إنسانٍ يطيح
نرقى لتعبنا ونستريح ...
لجل التعب ...
وبلا سبب ... محدٍ يبي يدري السبب ...
( والسفح مثل الردى راحه )
يا صاحبي ... ترى إن طرى لك ... طح ....
وان طحت أنا بوصيك ...
لا تمد لي يد ... ولا تنتظرني ... رح ... رح

الرجوع الى أعلى الصفحة اذهب الى الأسفل
*سكر الكون*
مُؤَسَّسَة الْمَوْقِع
مُؤَسَّسَة الْمَوْقِع
avatar






انثى عدد المساهمات : 377
نقاط : 578
تاريخ التسجيل : 24/09/2010
علم الدوله : المملكه العربيه السعوديه

مُساهمةموضوع: رد: من روائع مهندس الكلمة الامير بدر بن عبدالمحسن   الأحد نوفمبر 28, 2010 7:33 pm

يعطيك الف عااافيه عروبه

_________________
الرجوع الى أعلى الصفحة اذهب الى الأسفل
بـــكيـــفي دلووعه***
نَائِبَة الْمُدْيَرَه
نَائِبَة الْمُدْيَرَه
avatar






انثى عدد المساهمات : 239
نقاط : 408
تاريخ التسجيل : 24/09/2010
علم الدوله : حبيبة قلبي ديااار ابوو متعب اطاال الله بعمره

مُساهمةموضوع: رد: من روائع مهندس الكلمة الامير بدر بن عبدالمحسن   الثلاثاء ديسمبر 07, 2010 6:40 am

نتتطلع دووومآ لماا تقدميه
الينااا من همسااات قلمك حبيبتي
لعدمنااا جديدك يالغلاااا وبأنتظااااااره

_________________
الرجوع الى أعلى الصفحة اذهب الى الأسفل
 
من روائع مهندس الكلمة الامير بدر بن عبدالمحسن
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
قهوة بنات  :: اقسام ادبيه :: حرف القصيد -هذيان الروح -اعذب الكلام-
انتقل الى: