قصيدة مني سفير الحب لحلا سفاره
رسالة فيها من الورد تذكار
مني سفير الحب لحلا سفاره
يزهاك ياورد نبت وسم لامطار
شبه الورود ابلمسته وازدهاره
طل الربيع ابطلتك عبر لازهار
ومن نظرتك يزداد قلبي نضاره
رسالتي وارسلتها عبر لقمار
رسالة ترسل لغيرك خساره
عقد الوفا والحب فيهاولشعار
وماخاب من صار الوفا من شعاره
لان المحبه والوفا طبع لحرار
وصدق المشاعر وسط قلبه حراره
تخيل ان اظلوع صدرك له اسوار
وسط الظلوع العوج يقضي نهاره
وتخيل انه لا مشآ معك مشوار
تنسى البشر واتناظره في مساره
وتخيل انه يوم بيحت لسرار
يشفي هموم القلب لاشب ناره
مافيه شر ولامشآ درب لشرار
ولاغل في قلبه ولا من شراره
ذاك الحبيب وقومته وقت لسحار
اما صلاة الليل والا ستخاره
يرجي رضا ربه مع ذكر لذكار
والا استجار ابجيرته واستجاره
ذاك الغلا لاشعشع الصبح وانطار
جاني مثل طير جعلني مطاره
ريح العطور ابعاتقه حلو لعطار
ولاياللقآ عطره ابسوق العطاره
اكن له بالحب لوصار ماصار
وكيفي وانا كيفه ورهن الاشاره
يامر وينهي والسكن داخل الدار
داخل عروقي واصبح القلب داره
من طاع ربه يرزقه حب لخيار
لاهو على كيفه ولا باختياره
واختم بنفح الورد واعداد لشجار
واعداد ماينبت ويشعآ خظاره
للمصطفى صلوا عدد كل ماطار
واعداد نجمن بالمجره مداره
السبت نوفمبر 27, 2010 9:53 pm
